16 sept. 2020

PRO-ESCOLA DE MÚSICA DO CONCELLO DE RIBADUMIA

Esta aberto o prazo de matrícula para o curso 2020-21 na Escola de Música do Concello de Ribadumia.

Nas notas que poñemos a continuación tedes toda a información por se queredes apuntar aos vosos fillos, e o teléfono de contacto para consultar calquera dúbida. 


9 sept. 2020

PLAN de ADAPTACIÓN e PROTOCOLO COVID 19

 Debido á situación de pandemia que estamos a vivir, elaboramos un Plan de adaptación COVID para este curso 2020/2021, seguindo as instrucións da Consellería de Educación e Ordenación Universitaria, que colgamos a continuación para que estedes informados.

 

 Ademais, se estades interesados, podedes ver o resumo do protocolo de adaptación ao contexto da COVID 19 nos centros de ensino non universitario de Galicia para o curso 2020-2021 pinchando AQUÍ.

COMEZO DO CURSO 2020-21

O xoves, 10 de setembro, comezarán o curso os nenos de 4º e 5º de educación infantil (3 e 4 anos). A entrada será do seguinte xeito:

  • 3 anos: de acordo co seu horario do período de adaptación.
  • 4 anos: no seu horario habitual.

O venres, 11 de setembro, sumaranse os nenos de 6º de educación infantil (5 anos) no seu horario habitual.

A continuación podedes ver o tríptico coas normas xerais a ter en conta para este curso escolar tan atípico.

 

Pedimos encarecidamente que acatedes estas pautas polo ben de todos. Moitas grazas!

30 jun. 2020

MATRÍCULA NOVOS ALUMNOS

As familias que realizaron a solicitude de admisión no C.R.A de Ribadumia, teñen do 1 ao 10 de xullo para formalizar a matrícula para o vindeiro curso 2020-21.
Tedes que ir pola sede en Leiro para recoller a documentación que hai que cubrir.
O horario será de 9h. a 11h.
Para calquera dúbida podedes chamar ao teléfono 666410195.

26 jun. 2020

BOLSAS DE MATERIAL ESCOLAR DO CONCELLO DE RIBADUMIA

O Concello de Ribadumia convoca bolsas de material escolar para Educación Infantil, Primaria e Secundaria, para o vindeiro curso 2020-21.
O prazo de presentación rematará o 14 de xullo de 2020.
A continuación tedes o bando cos requisitos para acceder a estas axudas.


20 jun. 2020

GRAZAS FAMILIAS!



Temos que dar as grazas as familias e nenos da aula de Ribadumia A, por este precioso e emotivo vídeo que fixeron como despedida e agradecemento.
Leva por título: “CRA de Ribadumia, o mellor cole do Universo”.
QUE BONITOOOOOOO! 

Tamén queremos aproveitar esta entrada para darvos as GRAZAS a todas as familias, por participar nas propostas realizadas durante esta pandemia... 
SODES MARABILLOSOS!
Aos nenos que continúan para o vindeiro curso mandarlles moitos bicos e dicirlles que en nada estamos de volta todos xuntos outra vez.
E unha manchea de bicos e apertas a Marcos, Breogán, Laura, Roi, Víctor, Rosana, Daniela, Lía Iglesias, Yasmina, Noa, Gael, Paula, Joel, Dana, Leo, Lía Martínez, Karla, Pedro, Daniel, Mila, Yago Riveiro, Vera, Mario, Iago e Ana… 
QUE CHICOS MÁIS MAIORES! 
Agora comezaredes unha nova etapa na Educación Primaria na que temos a certeza de que ides a pasalo moi ben e faredes novas amizades. Todas as mestras queremos enviarvos... 
                                       UNHA MANCHEA DE BICOS E APERTAS!

15 jun. 2020

NOTAS 3º TRIMESTRE

Xa están postas as notas do terceiro trimestre, polo que a través da aplicación Abalar  xa podedes velas a partires de hoxe ás 13:00h.
Tedes que pinchar no nome do voso fillo/a e despois, pulsando nas tres raias horizontais que están arriba á esquerda, accederedes ao menú con todas as funcionalidades dispoñibles. Aí é onde tedes que ir a cualificacións e despois arriba á 3ª avaliación, e xa podedes consultar as notas dos vosos fillos.
Vou poñer aquí un enlace ao PDF onde explican como usar esta aplicación, por se aínda non a tedes:


Para calquera dúbida por isto ou por outra cousa, chamade ao teléfono de Leiro (666410195) en horario 10 a 14 horas de luns a venres.