29 jun. 2014

FESTA FIN DE CURSO 2013-14

Para comezar a festa, dividimos aos nenos en grupos que foron rotando por colchóns inchables e un circuíto de psicomotricidades.
Despois merendamos riquísimos doces e tortas que as familias prepararon nas casas.
Cada aula fixo unha actuación:
-  Cantaron cancións como: “ bamba divertida “, “ o osiño polar “…
-  Representaron obras como:  “ O gato lambón “, “ a ratiña presumida “…
As mestras cantáronlle a profe Janet, que o vindeiro curso xa vai estar noutro colexio. Todos desexamos que lle vaia moi ben e, dende o noso blog, mandámoslle  ¡moitos bicoooos!.

Para rematar a festa, entregamos as orlas aos alumnos que rematan a súa etapa de educación infantil noso centro.


Máis fotos neste ENLACE.
BO VERÁN A TODOS!

OS NOSOS ALUMNOS DE 6º DE ED. INFANTIL

Estes son os alumnos que rematan Infantil no noso colexio…



A todos eles desexámoslle que lles vaia moi ben na súa nova etapa na Educación Primaria.


MOITOS BICOS PARA ELES E AS SÚAS FAMILIAS!

19 jun. 2014

UN CONCERTO NAS NOSAS ESCOLAS!

O mércores 11 de xuño, a Escola Municipal de Música de Ribadumia visitou as nosas escolas para dar un concerto didáctico en cada unha delas.
Contáronnos un conto, amosáronnos os seus instrumentos e cantamos e bailamos con eles.
Para mestres e nenos foi unha experiencia marabillosa e desexamos volver a repetila para o vindeiro curso 2014-15. 


A todos os músicos que conforman está banda queremos dicirlles:

MOITAS GRAZAAAAS!

CONVIVENCIA 2014

Para que os nosos alumnos de 6º de Ed. Infantil coñezan como é un “cole de maiores “, realizamos unha convivencia no CPI Julia Becerra Malvar cos seus nenos destas mesmas idades.
Así transcorreu a mañá:
-   Colleron o autobús, xunto cos mestres, na parada máis próxima ás escolas.
-  Realizaron xogos de presentación cos nenos que, ao igual que os nosos, rematan a etapa de Educación Infantil.
-    Realizaron actividades nas aulas de: música, inglés, Educación Física, primaria, biblioteca…
-    Merendaron todos xuntos.
-    Estiveron no recreo con todos os alumnos do CPI Julia Becerra Malvar.
Para rematar esta experiencia volveron a subir nos autobuses escolares para regresar ás escolas.


Máis fotos AQUÍ. 


5 jun. 2014

EXCURSIÓN Á CASA DO QUEIXO


O mércores 5 de xuño, realizamos a excursión deste curso 2013-14.
“A Casa do Queixo “, situada na parroquia de Grixalba no concello de Sobrado dos Montes, foi o destino elixido.
Cando chegamos, os monitores dividiron a os nenos en cinco grupos que foron rotando por diferentes obradoiros. Durante a maña realizaron tres e pola tarde dous.
Estes foron os talleres:
Taller de animais. Visitaron a granxa-zoo e puideron ver diversos animais (cabalos, avestruz, ovellas…), explicáronlles algunhas das súas caracteristicas…  
 
Taller cereais. Traballaron os seus nomes, observaron as súas forma, cores…















Taller de la. Onde aprenderon os procesos que sofre a la.















Taller de xogos tradicionais.



Taller do queixo. Puideron observar como é o proceso de transformación do leite en queixo, colaborando na súa elaboración segundo o método tradicional.



Antes de levar a cabo os obradoiros da tarde, xantaron todos xuntos macarróns con salsa de tomate, salchichas con patacas…


Ao rematar todas as actividades, e antes de subir aos autobuses, merendaron galletas de chocolate.


Se queredes ver máis fotos AQUÍ.