CONCURSO TETRAPACK

Nas aulas de Ribadumia estivemos elaborando un muiño con envases vacíos, presentamos esta obra a un concurso de tetrapack. Por iso, precisamos a vosa axuda para que o nosos nenos/as gañen o concurso, para axudarnos deberedes votar na nosa obra (votase co e-mail) no seguinte enlace.

http://www.reciclonelenvase.es/envasarte/obra/154/el-molino-de-rio-en-galicia

Animádenos a axudarnos, promocionade a nosa obra.

Moitas grazas pola vosa colaboración.

NADALARTE, ACTIVIDADES INFANTÍS PARA O NADAL NO MUSEO DE PONTEVEDRA

RESERVADE CANTO ANTES SE QUEREDES IR COS VOSOS FILLOS E FILLAS!!

Con motivo das vacacións escolares de Nadal, o Gabinete Didáctico do Museo organiza o programa Nadalarte 2014, no que se propoñen dúas actividades para nenas e nenos.

OBRADOIRO CREATIVO DE ADORNOS DE NADAL

Nesta actividade, que ten unha duración de dúas horas, ademais da parte de manipulación e creación os participantes farán unha visita guiada á exposición Historia do xoguete español e realizarán o xogo Buscando os xoguetes na pintura.

Os nenos e as nenas que desexen participar teñen que escoller entre as seguintes datas:

22, 23 e 26 de decembro de 2014: nenos/as de 5 a 8 anos.

29, 30 de decembro e 2 de xaneiro de 2015: nenos/as de 9 a 12 anos.

Sexto Edificio de 11 a 13 h.

15 participantes por quenda.

É necesaria inscrición previa, chamando ó 986 804 100 extensión 42413 ou na dirección de correo-e: gabinetedidactico.museo@depo.es

CONTOS INFANTÍS A PIANO

Trátase dun espectáculo que integra literatura, música e pintura, centrado no conto infantilUnha semana do pequeno elfo Cerra - Ollo de Hans Christian Andersen.

Nel o dúo de piano a catro mans Pérez & Rejas (Constantino Pérez Murás e Patricia Rejas Suárez) interpretará en directo a versión deste conto realizado polo francés Florent Schmitt ó tempo que se proxectarán as imaxes creadas pola pintora Marta Román Cid, inspiradas tanto nos contos como na música que os acompaña. A narradora Iciar Borges irá relatando cada unha das escenas que a música describe.

A duración será duns 45 minutos.

Domingo 21 de decembro

Sexto Edificio ás 18:00 h.

Entrada libre ata completar aforo.

Ver máis información sobre este espectáculo en PDF

CULTURGAL 2014

Música, libros, tecnoloxía, audiovisual, infantil, artes escénicas, gastrocultura...conforman a axenda da Feira das Industrias Culturais que se celebrará do 5 ao 7 de decembro no Pazo da Cultura de Pontevedra (se tedes dúbidas de como chegar, picade aquí) Un espazo de encontro e de proxección das novas iniciativas do sector cultural galego ao longo de tres xornadas de actividades para coñecer e compartir novos proxectos. Deixámosvos o resumo da programación do Espazo infantil pero podedes descargar o mapa e o programa de actividades completo neste enlace. Non deixedes de visitala!! Ademais, se ides en tren, Culturgal ten un convenio de colaboración con RENFE e podedes beneficiarvos dun 30% de desconto no billete (informádevos aquí)

ACTIVIDADES EN RIBADUMIA

No concello están a piques de comezar actividades que vos poden interesar, para nenos ou maiores.


http://www.ribadumia.org/index.php?idMenu=30&idIdioma=2&pag0=1&pagNumRs0=16

FESTA DO MAGOSTO E SAMAÍN 2014

Hoxe en Leiro celebramos a festa do Samaín. Foi unha mañá moi especial porque tivemos unha actuación especial, os contos de ANXO MOURE e Xacia.

TODOS DISFRUTAMOS DOS SEUS CONTOS

Aproveitamos o entorno do CRA, tivemos sol, o xardín precioso para escoitar os contos deste célebre artista

RODEADOS DE NATUREZA

Disfrutamos tamén dunha exposición de cabazas, moita creatividade, imaxinación, ....

FESTA DO SAMAÍN

Hoxe 30 de Outubro celebramos a Festa do Samaín e Magosto.


http://www.noticieirogalego.com/2014/10/o-cra-de-ribadumia-celebra-cunha-sesion-de-contacontos-solidarios-o-seu-magosto/

Mañá ou nos proximos días sae a nosa festa nos xornais: Diario de Arousa, Faro de Vigo e A voz de Galicia

Grazas a todos/as pola vosa colaboración co CRA.

FESTA SAMAÍN E MAGOSTO 2014

O vindeiro xoves 30 de outubro imos celebrar na Sede do CRA, en Leiro, a festa do Samaín e o magosto. Ao longo da mañá organizaranse xogos, contacontos e visionado de curtas. 

Anxo Moure virá visitarnos e encherá de contos e historias máxicas a nosa escola. 

A merenda compartida traerana os nenos e nenas de 5 anos. 

Necesitamos a colaboración das familias para asar as castañas. As que poidan, por favor, que queden xa cando traian os meniños para poder ir organizando porque leva o seu tempo.

A partir das 12 as familias poden incorporarse á festa e ao contacontos final con Anxo Moure.

Non esquezades traer a vosa cabaza decorada para a exposición! Animádevos a participar!